艺人姚子羚（Elaine）原来有个索爆细妹！她的妹妹叫饶慧珊（Sandy），Sandy现时在nowTV担任新闻主播，主力报道财经新闻，不少网友都Like爆她，不时cap她的图放上网讨论。
Sandy作风低调，甚少讲家事，所以大多数人不知道她姐姐便是TVB小花姚子羚。直到近日Sandy被起底，网民才惊觉Elaine有个主播妹妹，大赞两姊妹都尽得台妹索爆基因。而为甚么两人姓氏不同？其实Elaine原名其实叫饶慧玲，入行后遇到前TVB监制钱国伟，对方才为她改艺名为姚子羚。
而今日Elaine出席化妆品活动，讲到妹妹被起底，Elaine笑言：“讲到我妹妹呀？唔知大家点样发现到佢，希望大家手下留情。佢比较怕丑啲，大家赞佢身材好过我，佢系叻女，好专业成熟。”
问会否姊妹档接Job？Elaine笑言：“好似汤洛雯同佢妹妹咁？有都可以，但佢对于做艺人呢方面唔系好有兴趣，始终佢唔系艺人，依家街上有人认出佢都话怕丑，有啲唔惯。”